ਸਤਿੰਦਰਜੀਤ ਸਿੰਘ ਗਿੱਲ
ਸ.ਭਗਤ ਸਿੰਘ ਦੇ ਜੀਵਨ ਬਾਰੇ ਬਹੁਤ ਸਾਰੀਆਂ ਕਿਤਾਬਾਂ ਅਤੇ ਲੇਖ ਲਿਖੇ ਜਾ ਚੁੱਕੇ ਹਨ। ਇਸ ਦੁਨੀਆਂ ਵਿੱਚ ਸ਼ਾਇਦ ਹੀ ਕੋਈ ਐਸਾ ਇਨਸਾਨ ਹੋਵੇ ਜੋ ਸ.ਭਗਤ ਸਿੰਘ ਤੋਂ ਜਾਣੂ ਨਹੀਂ। ਇੱਕ ਦੱਬੀ ਜਵਾਲਾ ਸੀ, ਇੱਕ ਨਿਸ਼ਚਾ ਸੀ, ਦ੍ਰਿੜ੍ਹ ਵਿਸ਼ਵਾਸ ਦਾ ਨਾਂ ਸੀ ਭਗਤ ਸਿੰਘ। 28 ਸਤੰਬਰ 1907 ਨੂੰ ਜਨਮਿਆ ਬਾਲਕ ਭਗਤ ਸਿੰਘ, ਹਿੰਦੁਸਤਾਨ ਦੀ ਅਜ਼ਾਦੀ ਦੇ ਸੰਘਰਸ਼ ਦਾ ਇੱਕ ਸੁਨਿਹਰੀ ਪੰਨਾ ਸ਼ਹੀਦ ਸ.ਭਗਤ ਸਿੰਘ ਹੋ ਨਿਬੜਿਆ। ਭਗਤ ਸਿੰਘ ਦਾ ਨਾਮ ਹਰ ਖਿੱਤੇ ਵਿੱਚ ਬੜੀ ਸ਼ਿੱਦਤ ਨਾਲ ਲਿਆ ਜਾਂਦਾ ਹੈ।
